開學好支力呀，太耐冇返學啦～所以朝早起身，一定要拉拉筋先。
熱身好呀。上個禮拜做中秋，去MegaBoxXXXX河鮮專門店，香港人最多係食海鮮，幾時見過河鮮？
所以覺得果缸河魚特別怪相，個樣好得人驚。仲要擺正係門口！去廁所必經之地！！
我次次出入都要儲氣，揸實拳頭競步咁衝過去。
我老母話：「嘩，保特咁快呀你！」
某次去完廁所返來，儲氣完成準備衝──
缸入面忽然有水潑出來！！！！！！一地都係！
即時我人命都冇左半條。P你條衰魚個K丫！我叫阿媽食左你丫拿！！（含淚）
結果全晚衝出衝入，熱身做足。出到來巴士站，離遠望到有80X，即追！
意外地健步如飛。原來跑得快感覺係咁好～直頭係是是但但就跑出好遠！第一次乍！！！
老母&廉係後面追：「嘩仲快過保特呀佢！！」（笑）
同阿牛講，佢話有次八奶超市有條魚飛身撲係佢腳邊
嘩！畀著係我，心臟病發都有份！

開學好支力呀～始終暑假生活都係日日追奧運
雷sir好正呀。姚明好正呀。郭晶晶好正呀。
今年執到正，唔畀上班房食早餐好唔正呀。冇得食X和三文治+熱豆漿啦（碌來碌去）

《孽子》終於他媽看完了，那麼長！
最深刻的，果然還是龍子與阿鳳的那段…絕愛的毒已經深入骨髓了。
明明龍鳳和晃泉是完全不同的人，言行氣質卻非常相近= =+
南女王說絕愛純粹是出於相像，可能與現實中的戀情不同，但是居然與白先勇先生寫出來的那樣相近，
那是跨越種族（與其他）的愛的覺悟呀！